ئه‌تله‌تیکۆ مه‌درید له‌ نۆ یاریزانی ڤالانسیای برده‌وه‌ به‌ چوار گۆڵ ..!
 

له‌ میانه‌ی یارییه‌کانی هه‌فته‌ی 24 خولی ئسپانیا ئه‌مرۆ یه‌کشه‌مه‌ یارییه‌کانی ئه‌م هه‌فته‌یه‌ کۆتایی هات به‌یاری نێوان ئه‌تله‌تیکۆ مه‌درید و ڤالانسیا له‌ سه‌ر یاریگای ڤیسینیتی کالدیرۆنی تایبه‌ت به‌ ئه‌تله‌تیکۆ مه‌درید به‌ناوبژیوانیه‌تی  پیرێز بۆرۆل تیایدا یانه‌ی ئه‌تله‌تیکۆ مه‌درید توانی سه‌رکه‌وتنێكی گه‌وره‌ ده‌سته‌به‌ر بکات و سێ خاڵی گرینیگ به‌ده‌ست بهێنێت ، سه‌ره‌تایی یارییه‌که‌ به‌ ده‌ست پێشخه‌ری یانه‌ی میوان بوو کاتێک دێڤد سێلڤا گۆڵی پێشکه‌وتنی له‌ خوله‌کی 20 تۆمارکرد له‌ پاش ئه‌م گۆڵه و له‌ خوله‌کی 28 کارۆس مارچێنا له‌ یانه‌ی ڤالانسیا به‌کارتی سور کرایه‌ ده‌ره‌وه‌ی یاریگا و بوه‌ هۆی لێدانی سزا که‌ دیگۆ فۆرلان توانی گۆلی به‌رامبه‌ر بۆ یانه‌که‌ی تۆمار بکات گێمی یه‌که‌م به‌م ئه‌نجامه‌ کۆتایی هات ، له‌گێمی دووه‌م تا خوله‌کی 78 که‌ یاریزانی ئه‌رژه‌نتین کۆن ئه‌گوێرۆ توانی گۆڵێ دووه‌م بۆ یانه‌که‌ی تۆمار بکات و له‌ پاشانیش هه‌رییه‌که‌ له‌ دیگۆ فۆرلان و خۆرادۆ دووگۆلی یه‌ک له‌ دوای یه‌کیان بۆ یانه‌که‌یان تۆمارکرد له‌ خوله‌که‌کانی 85 و 90 ، وه‌ له‌ خوله‌که‌ی 83 ــی یارییکه‌ یاریزانی پرتووگالی میگێل به‌کارتی سور کرایه‌ ده‌ره‌وه‌ی یاریگا و یانه‌ی ڤالانسیا یارییه‌که‌یان به‌ 9 یاریزان ته‌وا کرد .. به‌م بردنه‌وه‌یه‌ش یانه‌ی ئه‌تله‌تیکۆ مه‌درید دوو پله‌ هاته‌ پێشه‌وه‌ و له‌ پله‌ی 11 هه‌م دێت به‌ 30 خاڵ و یانه‌ی ڤالانسیا  ـش له‌ پله‌ی سێ یه‌م مایه‌وه‌ به‌ 46 خاڵ.